Sot, në Kuvendin e Kosovës është miratuar projektligjin për skemat pensionale.

Lidhur me këtë, ka reaguar kryeministri i vendit, Albin Kurti i cili ka thënë se padrejtësia ndaj pensionistëve, të cilët u larguan dhunshëm nga puna në vitet e ‘90-ta, mori fund sot.

“Kuvendi i Republikës miratoi në lexim të parë dhe të dytë Ligjin për Plotësimin dhe Ndryshimin e Ligjit për Skemat Pensionale të Financuara nga Shteti përmes së cilës shtohet një skemë e re pensionale, ajo e pensionit parcial kontributpagues”, ka thënë Kurti.

Me anë të një postimi në Facebook, Kurti tha se rreth 70 mijë pensionist që u larguan dhunshëm nga puna në vitet 90-ta, do të marrin pension parcial kontributpagues.

“Reth 70 mijë pensionistë të cilët po të mos ishin larguar dhunshëm nga puna në vitet e ‘90-ta do të arrinin kushtin prej 15 vitesh kontribut deri më 01.01.1999. Tani e tutje, ata, do të marrin pensionin parcial kontributpagues”, tha Kurti.

Tutje, i pari i ekzekutivit kosovar bëri të ditur se hapi tjetër do të jetë reforma e plotë pensionale së bashku me reformën sociale.

“Mbetemi të përkushtuar për krijimin e një sistemi pensional të barabartë për të gjithë dhe ngritje të mirëqenies sociale. Hapi tjetër do të jetë reforma e plotë pensionale së bashku me reformën sociale, për të cilat kemi filluar punën. Shumë shpejt do t’i dërgojmë në Kuvend këto projektligje për të bërë ndryshimet e nevojshme ligjore. Qeveria për pensionistët”, shkroi Kurti./Arbresh.info

Lexo edhe:

Miratohet projektligji për skemat pensionale